Datganiad
Ymgeisydd: Bu gennyf ddiddordeb mewn gwleidyddiaeth erioed. Y teimlad o
rwystredigaeth a’r dyhead i wneud gwahaniaeth i'r byd heb wybod sut i wneud
hynny yw’r rheswm pam rydw i eisiau dod yn aelod o Senedd Ieuenctid Cymru. Wrth
dyfu i fyny mewn amgylched tref ac ysgol ble roedd y bobl o'm cwmpas yn wyn yn
bennaf, roeddwn i'n aml yn teimlo, ac yn dal i deimlo, fel nad oeddwn i byth yn
perthyn mewn gwirionedd. Byddwn i wrth fy modd yn defnyddio fy mhrofiadau o’r
gorffennol a'r presennol i wneud pobl ifanc eraill, sydd efallai’n teimlo fel
yr arferwn i deimlo, yn llai unig, a sicrhau eu bod nhw gymaint ag unrhyw un
arall yn gallu lleisio’u barn a pherthyn i le y gwrandewir arnynt. Dylai pobl
bleidleisio drosof gan fy mod wir yn meddwl y gallwn wrando ar leisiau pobl
ifanc wrth fod yn wyneb cyfeillgar y maen nhw'n teimlo y gallen nhw ymddiried
ynddo. Drwy’r ysgol, yn y gwaith a gweithgareddau eraill, drwy ganu clychau,
gwirfoddoli gyda’r Cybiau a bod yn aelod o gerddorfa ysgolion uwchradd Caerdydd
a’r Fro rydw i wedi fy amgylchynu â phobl ifanc eraill a'u barn. Maent i gyd
wedi rhoi digon o gyfleoedd imi ddarganfod yr hyn y mae pobl ifanc Cymru ei
eisiau mewn gwirionedd. Rwy'n credu fod gan bob person ifanc gymaint i'w roi
a’i ddweud os ydym yn cael y cyfle iawn i wneud hynny.
