Olive Alys Anwen Burns

Datganiad Ymgeisydd: Fy enw i yw Olive Alys Anwen Burns ac rydw i'n 15 mlwydd oed, o Dreganna, Caerdydd. Fy hoff bynciau yw Mathemateg, Cemeg a Drama. Rydw i wedi bod yn rhan o’r grwpiau cydraddoldeb Digon a Newid Ffem ym Mlasmawr ers nifer o flynyddoedd, oherwydd mae'n brif flaenoriaeth i mi i wneud ein hysgol yn lle gwell i'r gymuned LHDTC+ a sicrhau cydraddoldeb i bob unigolyn. Fel aelod o’r rhain, rydw i wedi cwrdd â gweinidogion, megis Jeremy Miles, a chymryd rhan mewn nifer o brosiectau creadigol diddorol. Mae gen i ddiddordeb mawr mewn gwleidyddiaeth, ac yn ddiweddar rydw i wedi cymryd rhan mewn digwyddiadau fel yr MCOP 29, cystadlaethau dadlau, a thrafodaeth gyda Mark Drakeford. Pan fyddaf yn hŷn, rwy'n dyheu am weithio ym myd y gyfraith neu wleidyddiaeth. Rydw i eisiau bod yn rhan o SIC oherwydd mae cydraddoldeb yn rhywbeth sydd yn agos at fy nghalon ac yn rhywbeth rydw i’n frwdfrydig i frwydro amdano. Dydw i ddim yn meddwl bod cydraddoldeb yn cael ei drafod digon mewn gwleidyddiaeth, ac mae hyn yn rhywbeth hoffwn i'w newid.