Roedd Sonia yn
Aelod o'r ail Senedd Ieuenctid Cymru o 2021 i 2024.
Dyma ei datganiad
pan oedd yn ymgeisydd yn yr etholiad ar gyfer ail Senedd Ieuenctid Cymru:
Fy mhrif ystyriaethau:
- Amgylchedd
trefol mwy gwyrdd.
- Iechyd
meddwl ymhlith pobl ifanc
- Tai
ecogyfeillgar
Datganiad yr
Ymgeisydd: Rwy'n gwneud cais i fod yn aelod o Senedd Ieuenctid Cymru i gwrdd â
phobl ifanc o'r un anian sydd eisiau gwella'r byd ar gyfer cenedlaethau'r dyfodol.
Tra bod ein llywodraeth yn parhau i gael trafferth a cholli ymddiriedaeth, nid
yn unig y gall pobl ifanc weld beth yw’r gwir broblemau heddiw, ond gweld hefyd
beth fydd problemau yfory - rydym am i'n lleisiau gael eu clywed.
Fel aelod o SIC,
gobeithiaf gynnwys pobl ifanc o bob cefndir mewn materion cyfoes a materion yn
y dyfodol drwy wneud iechyd meddwl a chorfforol dinasyddion Cymru yn y dyfodol
yn brif flaenoriaeth, wrth i broblemau fel cynhesu byd-eang ddod yn fwy amlwg. Er
mwyn gwrthsefyll llygredd mewn ardaloedd trefol, byddaf yn hyrwyddo pwysigrwydd
tyfu coed ac adeiladu tai gwyrdd, cynaliadwy. Byddaf yn ceisio cynyddu nifer y
gweithgareddau allgyrsiol a chlybiau ieuenctid sydd ar gael i bobl ifanc yn eu
harddegau yng Nghasnewydd ac yng Nghymru o gymharu â phlant iau. Mae Casnewydd
yn falch o fod yr ail ddinas fwyaf amrywiol yng Nghymru, ond nid oes
cyfleusterau yma i leihau gwahaniaethu ac ymddygiad gwrthgymdeithasol ymhlith
pobl ifanc.
Rwy’n credu fy
mod yn ymgeisydd teilwng gan fy mod wedi siarad â phobl sy’n ei chael hi’n
anodd i ymdopi yng Nghymru, ac rwyf wedi codi dros £1000 at achosion
amgylcheddol a dyngarol. Rwyf hefyd yn mynd i brotestiadau yn rheolaidd sy’n
galw am gyfiawnder i ddioddefwyr creulondeb yr heddlu, phrotestiadau o ran
hiliaeth a ffoaduriaid.
Diolch
