Datganiad
Ymgeisydd: Dymunaf fod yn aelod o’r Senedd Ieuenctid oherwydd hoffwn fod yn
rhan weithredol o lunio dyfodol pobl ifanc Cymru. Fel rhywun sydd â
chysylltiadau gyda mudiadau ieuenctid lleol rwy’n ymwybodol o’r materion sydd o
bwys iddynt felly teimlaf yn gymwys i’w cynrychioli. Rwy’n aelod o Fforwm
Ieuenctid yr Urdd, Grwpiau Cerdd Gwynedd a Môn, a’r Clwb Ffermwyr Ifanc. Hefyd,
ystyriaf fy hun fel ymgeisydd cryf oherwydd credaf mewn bachu ar bob cyfle a
phrofiad. Rwy’n un o sylfaenwyr aelwyd yr Urdd Caernarfon, rwy’n hyfforddi
pêl-rwyd i dimau iau ac yn trefnu gigiau ieuenctid. Yn ogystal, rwy’n unigolyn
sy’n meddu ar ddaliadau cryf. Rwy’n gweithio i fenter gymunedol ac rwy’n
gwirfoddoli mewn digwyddiadau lleol cynaliadwy a diwylliannol. Mae’r profiadau
yma wedi datblygu fy sgiliau cyfathrebu a rhwydweithio, trefnu a datrys
problemau. Yn ogystal, rwy’n ymgeisydd delfrydol gan fy mod yn berson
cydwybodol a dibynadwy sy’n credu’n gryf y dylai llais pobl ifanc gael ei
glywed wrth ffurfio ein dyfodol.
