Roedd yr Aelod hwn yn Aelod o Senedd Ieuenctid gyntaf Cymru o 2018 i Marwth
2021.
Dyma ei datganiad pan oedd yn ymgeisydd yn yr etholiad ar gyfer Senedd
Ieuenctid gyntaf Cymru:
Fy mhrif ystyriaethau:
- Cyngor
ar yrfaoedd, gan gynnwys hyfforddiant sgiliau i helpu i gael mynediad at
waith a phrofiad gwaith
- Cydraddoldeb
mynediad at addysg uwch a phrentisiaethau i bobl ifanc fel ceiswyr
lloches.
- Hyrwyddo
cydraddoldeb ac amrywiaeth, a dealltwriaeth o'r rhwystrau sy'n wynebu pobl
ifanc yng Nghymru.
Rwy'n mynd i'r coleg, lle rwy'n astudio iechyd a gofal cymdeithasol. Daeth
fy nheulu a fi i Gymru fel ffoaduriaid ddwy flynedd yn ôl. Fe'm ganwyd yn
Syria, ac fe symudais i Irac cyn dod i'r DU.
Cwrdeg yw fy iaith gyntaf ac rwy'n siarad Arabeg hefyd. Dechreuais ddysgu
Saesneg yn Ysgol y Grango, lle sefais arholiadau TGAU y llynedd. Mae addysg yn
bwysig, ac rwy'n gobeithio dilyn gyrfa mewn meddygaeth, efallai fel bydwraig.
Rwyf wrth fy modd yn gwrando ar gerddoriaeth, ac rwyf hefyd yn mwynhau arlunio,
paentio a gwneud pethau. Yn ogystal â threulio amser gyda fy ffrindiau, rwy'n
hoffi mynychu Fforwm Cyfranogi TGP Cymru, lle rwy'n dysgu sut mae'r llywodraeth
yn gweithio yng Nghymru.
Byddaf yn dysgu rhagor fel aelod o Senedd Ieuenctid Cymru, a byddaf yn
manteisio ar y cyfle i godi ymwybyddiaeth o sut beth yw bywyd fel ceisiwr
lloches ifanc, gan roi llais i bobl ifanc eraill hefyd.
