Datganiad Ymgeisydd: Fy enw i yw Isabella Flye, rwy'n 15 oed ac yn byw yn
Rhondda Cynon Taf. Rwy'n angerddol am helpu eraill a sicrhau bod gan bobl ifanc
lais mewn penderfyniadau sy'n effeithio arnyn nhw.
Byddwn i'n disgrifio fy hun fel rhywun caredig a chefnogol, ac rydw i bob
amser yn ceisio bod yno i bobl pan fydd angen rhywun arnyn nhw i gael sgwrs.
Rwy'n wrandäwr da ac yn mwynhau clywed gwahanol safbwyntiau a phrofiadau. Yn fy
amser rhydd, rwy'n mwynhau darllen, gan ei fod yn fy helpu i ddysgu pethau
newydd a datblygu fy nychymyg. Rydw i hefyd wrth fy modd yn mynd ar deithiau
gyda fy nghlwb ieuenctid, lle rwy’n gallu cwrdd â phobl newydd, cael profiadau
newydd, a magu hyder. Un o'r pethau rwy'n eu mwynhau fwyaf yw bod yn llais i
bobl ifanc a chynrychioli eu safbwyntiau a'u syniadau.
Y materion sydd bwysicaf i mi yw sicrhau cyfleoedd cyfartal i bob person
ifanc, codi ymwybyddiaeth o'r cyfleoedd sydd ar gael iddyn nhw, a chefnogi pobl
ifanc i fod y fersiwn orau o’u hunain. Rwy'n credu y dylai pob person ifanc
deimlo ei fod yn cael ei werthfawrogi, ei fod wedi'i gynnwys, a chael ei rymuso
i gyflawni ei botensial.
