Datganiad
Ymgeisydd: Fy enw i yw Jack, rydw i'n 15 oed ac rydw i'n byw yn Abertawe gyda
fy Mam, Louise. Dywed fy Mam, ni waeth pa anawsterau sydd gennych, eu bod yn
"alluoedd ychwanegol"!
Rydw i wrth fy
modd yn mynd i'm heglwys a chwrdd â ffrindiau yno ac yn y clybiau mae ein
heglwys yn eu rhedeg. Rydw i hefyd yn perthyn i lawer o glybiau lle rydw i wedi
gwneud llawer o ffrindiau. Rydw i'n mynd i syrffio gyda grŵp syrffio hygyrch o'r enw Surfability yn
Caswell yn y Gŵyr.
Rydw i'n gwneud hyn ers dwy flynedd. Mae
wedi dysgu llawer o amynedd a phenderfyniad i mi ac rydw i wedi cwrdd â phobl anhygoel o wahanol lefydd gyda
llawer o wahanol alluoedd.
Rydw i hefyd yn
mynd i Glwb Byddar gwych o'r enw Talking Hands (Gwasanaethau Talking Hands i
Blant a Phobl Ifanc Byddar). Rydw i wedi bod yn mynd ers 10 mlynedd erbyn hyn.
Rydw i wedi gwneud llawer o ffrindiau - maen nhw wedi fy nysgu nad ydw i ar fy
mhen fy hun gyda fy Myddardod, ac mae llawer o bethau y gallaf eu gwneud mewn
bywyd. Rydw i hefyd wedi dechrau dysgu BSL gyda fy ffrindiau, ac rydyn ni bob
amser yn gwneud llawer o weithgareddau hwyliog iawn. Oherwydd bod Talking Hands
yn fy nghefnogi, rydw i newydd ymddangos ar Countryfile Ramble Plant Mewn Angen
2024, ac roeddwn i mor falch o gynrychioli Talking Hands. Maen nhw wedi gwneud
cymaint i mi, mae'n bwysig i mi roi yn ôl iddyn nhw!
Un o fy mhrif
ddiddordebau yw creu fy animeiddiadau fy hun, Stop Motion. Rydw i wedi dysgu fy
hun i wneud hyn, ac rydw i wrth fy modd yn dysgu sgiliau newydd! Mae hefyd wedi
dysgu amynedd i mi ac rydw i'n benderfynol o weithio yn y maes hwn pan fyddaf
yn hŷn. Rydw i'n falch
iawn o'r hyn rydw i wedi'i gyflawni ar fy mhen fy hun hyd yn hyn.
Buaswn i wrth fy
modd bod yn aelod o Senedd Ieuenctid Cymru oherwydd rwy'n angerddol iawn am y
tri maes rydw i wedi'u codi yn fy nghais. Hefyd, rydw i am brofi i eraill bod
gan bob un ohonom ni lais, ni waeth pa alluoedd ychwanegol sydd gennych!
