Datganiad Ymgeisydd: Fy enw i ydy Lewis, ar ôl Lewis Hamilton, dewisais i fy enw fy hun oherwydd fy mod i'n ddyn Traws. Dewisais i enwi fy hun ar ôl Lewis Hamilton oherwydd mai ef yw ffefryn fy nhad go iawn ac roeddwn i eisiau enw sy'n bwysig iddo. 

Nes i sylweddoli mod i'n rhan o'r gymuned LGBTQIA+ pan oeddwn i'n 8 oed, ond doeddwn i ddim yn gwybod y gair amdano, dim nes oeddwn i'n 11 oed ac fe ddes i allan yn swyddogol fel Panrywiol, a phan o'n i'n 11 oed sylweddolais i hefyd fy mod i'n Traws ond wnes i ddim dod allan yn swyddogol, a newid fy enw, nes oeddwn i'n 13 oed ddeufis cyn i fi droi'n 14 oed.

Roedd dod allan yn anodd iawn oherwydd fi oedd yr unig un yn yr ysgol, y dref, ac yn fy nheulu.

Wnes i ymuno hefo GISDA pan oeddwn i'n troi'n 14 oed, roedd hi’n 1af Medi 2022. Sy'n golygu mod i wedi dechrau GISDA ddim yn hir ar ôl dod allan fel Traws ac roeddwn i'n nerfus iawn am hynny. GISDA oedd y lle cyntaf lle roedd pobl ond yn fy adnabod fel "Lewis sy'n fachgen"

Clywais i am GISDA oherwydd welais i nhw yn Pride Cricieth ac ychydig wythnosau wedyn fe ddes i fyny gyda fy chwaer, cerdded i mewn, a byth wedi gadael. Rydw i wedi bod yn mynd am y ddwy flynedd ddiwethaf, a fyddwn i ddim yn pwy ydw i heb GISDA. 

Fe wnaeth staff fy helpu i sefyll i fyny i athrawon Trawsffobig. Roedd ffrindiau yno yn gadael i mi arthio am beth bynnag roeddwn i'n meddwl neu'n poeni amdano. 

Mi wna’i gyfaddef mod yn hynod falch o fod yn pan ond tydw i ddim yn falch o fod yn Trans, oherwydd y ffordd y cefais i fy magu. Ond dyna pam mae fy mhrif faterion yn ymwneud â phobl Traws, rydw i am fod yn fwy balch ohonof fi fy hun ac rydw i am i bobl eraill, nid dim ond Traws, ond unrhyw un sydd ddim mor falch â fi hefyd i deimlo'r balchder yn disgleirio allan ohonyn nhw eu hunain.