Datganiad
Ymgeisydd: Pleidleisio yn Etholiad y Senedd 2021 am y tro cyntaf yn 16 oed oedd
y sbardun i mi fod yn ymgeisydd i’r Senedd Ieuenctid.
Er bod trafod
pynciau llosg y dydd a dilyn canlyniadau etholiadau tan oriau man y bore yn
rywbeth cyffredin gartre, roedd cael yr hawl i bleidleisio yn 16 oed yn
drobwynt. Teimlais bod fy llais innau nawr yn rhan o’r broses
ddemocrataidd. Ond rwy’n ymwybodol nad
yw pawb yn teimlo hynny a dyna pam hoffwn gynrychioli llais pobl ifanc eraill
f’ardal yn y Senedd Ieuenctid.
Pe bawn i’n cael
f’ethol, hoffwn gyd-weithio gyda mudiadau, unigolion ac ysgolion er mwyn
adlewyrchu trawsdoriad ieuenctid f’etholaeth. Mae bod yn aelod o Fforymau
Ieuenctid yr Urdd/Menter Gorllewin Caerfyrddin, Menter Dinefwr a Fforwm
Cymreictod yr Ysgol yn ogystal a grwpiau all-daith Dug Caeredin a thim criced
cymunedol wedi rhoi’r cyfle imi ddysgu gwrando ar safbwynt amrywiol pobl ifanc
o bob oedran a chefndir cyn lleisio neges fy nghyd-ieuenctid. Credaf hefyd mod
i’n unigolyn y gellid dibynnu arno i gyflawni’r hyn addewir a gobeithiaf allu
drosglwyddo’r rhinweddau hyn i’m rol fel aelod o’r Senedd Ieuenctid pe bai
eraill yn ymddiried eu pleidlais ynof i.
