Rhys Rowlandson

Roedd Rhys yn Aelod o'r ail Senedd Ieuenctid Cymru o 2021 i 2024.

Dyma ei ddatganiad pan oedd yn ymgeisydd yn yr etholiad ar gyfer ail Senedd Ieuenctid Cymru:

Fy mhrif ystyriaethau:

• Iechyd meddwl ieuenctid
• Gweithgareddau ieuenctid
• Cyllido addysg

Datganiad yr ymgeisydd: Rwy’n angerddol am greu cymdeithas deg lle mae pawb yn cael eu trin yn gyfartal ac yn meddu ar yr un cyfleoedd a llais ar faterion cyfoes.  Yn hynny o beth, byddwn yn mwynhau bod yn aelod o Senedd Ieuenctid Cymru ac fe fyddwn yn sicrhau fy mod yn defnyddio'r swydd yn ddoeth i siarad â chymaint o bobl ifanc yn fy ardal â phosibl, er mwyn i mi allu deall y materion perthnasol, a chyflwyno eu hachos gerbron Senedd Cymru.

Roeddwn yn gynghorydd ysgol ar ddau achlysur yn fy ysgol gynradd, ac fe roddodd hynny sgiliau da i mi o ran cyfathrebu a gweithio gydag eraill i gyflawni ein nodau.

Rwy'n cymryd rhan yn rheolaidd mewn dadleuon yn yr ysgol, yn ogystal â gyda fy ffrindiau am broblemau’r oes sydd ohoni ac yn teimlo y gallaf gyfleu fy safbwynt yn dda, ond fy mod yn gallu ystyried safbwyntiau eraill hefyd.