Mae Senedd Ieuenctid Cymru yn cynnwys 60 o aelodau, sy’n cynrychioli pobl ifanc o bob rhan o Gymru. Mae ugain o'n haelodau'n cael eu dewis gan sefydliadau partner - ac rydyn ni’n cysylltu â chi heddiw i’r perwyl hwn!
Gallwch wneud cais i ddod yn sefydliad partner ac ethol aelod i gynrychioli eich sefydliad.
Drwy weithio mewn partneriaeth â ni, byddwch yn rhan o ymdrech ar y cyd i godi llais pobl ifanc yng Nghymru ymhellach.
Bydd modd cyflwyno ceisiadau rhwng 27 Mai a 24 Mehefin 2024.
Byddwn yn rhoi llwyfan pwerus i'ch cynrychiolwyr etholedig i godi eu llais a chodi ymwybyddiaeth o'r materion sydd o bwys iddynt.
Bydd eich cynrychiolwyr etholedig yn cael cyfleoedd i gymryd rhan mewn trafodaethau yn siambr y Senedd a chymryd rhan mewn digwyddiadau cyfryngau proffil uchel.
Bydd eich cynrychiolwyr etholedig yn ymuno â chymuned gefnogol ac ysbrydoledig sy'n cynnwys pobl ifanc o wahanol gefndiroedd, gan rannu profiadau sy'n gyfoethog ac amrywiol.
Byddwn yn annog eich cynrychiolwyr etholedig i ddatblygu sgiliau bywyd hanfodol drwy wahanol gyfleoedd hyfforddi a gweithdai, gan eu helpu i fagu hyder o ran arweinyddiaeth, ymchwil, a siarad yn gyhoeddus.
Drwy ddod yn bartner, rydych yn sicrhau bod lleisiau eich cynrychiolwyr etholedig o bob cefndir yn cael eu clywed yn y man pwysig— sef ble mae penderfyniadau ar y lefel uchaf yng Nghymru yn cael eu gwneud.
Ollie Mallin, Carers Trust Wales
Mae Senedd Ieuenctid Cymru wedi fy helpu gyda fy sgiliau cyfathrebu, fy sgiliau gweithio mewn tîm, a fy sgiliau gwrando, a fydd yn hynod ddefnyddiol nawr ac ar gyfer y dyfodol ….Rwy’n annog pobl ifanc eraill yn gryf i ymgeisio i fod yn aelod o Senedd Ieuenctid Cymru. Credwch fi, bydd yn werth chweil a byddwch yn elwa'n fawr ohono.
Bowen Cole, YMCA Abertawe
Mae bod yn rhan o Senedd Ieuenctid Cymru wedi bod yn brofiad na fyddaf yn ei anghofio ac mae wedi rhoi’r cyfle i mi weithio gyda 60 o bobl ifanc llawn cymhelliant ac ysbrydoledig i fod yn llais i bobl ifanc yma yng Nghymru
Cerys Harts, Ffermwyr Ifanc Cymru
Roeddwn i eisiau lledaenu’r wybodaeth, nad yw bod yn fyddar yn rhwystr mewn gwirionedd.
Daniel Downton, y Gymdeithas Genedlaethol i Blant Byddar.
Keira Bailey-Hughes, GISDA
Mae Senedd Ieuenctid Cymru yn troi’r sain yn uwch o ran lleisiau ifanc ledled Cymru, gan fynd i’r afael â’r materion sy’n wirioneddol bwysig iddyn nhw. Rydym yn partneru â sefydliadau o’r un anian i wneud yn siŵr bod y Senedd yn cynrychioli cymunedau amrywiol o bob rhan o Gymru.
Drwy ddod yn bartner byddwch yn ethol ac yn cefnogi pobl ifanc i gynrychioli eich sefydliad yn Senedd Ieuenctid Cymru. Byddwch hefyd yn helpu i hyrwyddo gweithgareddau Senedd Ieuenctid Cymru gan gynnwys etholiadau, ymgynghoriadau a digwyddiadau.
Edrychwch ar ein canllaw "Dod yn sefydliad partner" i gael rhagor o wybodaeth.
Wrth ddod yn Bartner swyddogol Senedd Ieuenctid Cymru rydych yn ymrwymo drwy gydol y cyfnod o ddwy flynedd, hyd yn oed os nad yw’r person ifanc a etholwyd i’r rôl yn defnyddio gwasanaethau eich sefydliad mwyach.
I gael gwybodaeth fanwl darllenwch ein canllaw "Dod yn sefydliad partner".
Disgwylir i bobl ifanc gymryd rhan yn holl weithgarwch swyddogol Senedd Ieuenctid Cymru yn ystod y cyfnod o ddwy flynedd, gan gynnwys cyfarfodydd yn y Senedd, digwyddiadau rhanbarthol a chyfarfodydd ar-lein. Efallai y bydd cyfleoedd eraill hefyd i gymryd rhan mewn digwyddiadau a sesiynau drwy gydol y ddwy flynedd.
I gael gwybodaeth fanwl darllenwch ein canllaw "Dod yn sefydliad partner".
Rhaid i chi gyflwyno'ch cais i ddod yn bartner drwy ein "Ffurflen Gais Ar-lein".
Os ydych am weithio ar eich cais cyn ei gyflwyno, gallwch lawrlwytho ein "Templed Ffurflen Gais Partneriaeth".
Rydym yn sicrhau bod holl aelodau Senedd Ieuenctid Cymru a staff sefydliadau partner yn cael eu cefnogi’n llawn yn ystod gweithgareddau swyddogol. Mae hyn yn cynnwys talu am gostau teithio, llety a chynhaliaeth rhesymol, darparu hyfforddiant, a hwyluso cyfarfodydd gyda threfniadau ac adnoddau angenrheidiol o ran y lleoliad.
I gael gwybodaeth fanwl am yr hyn sydd wedi'i gynnwys, edrychwch ar ein canllaw "Dod yn sefydliad partner".
Mae aelodau yn cael cefnogaeth gynhwysfawr. Mae hyn yn cynnwys canllawiau, hyfforddiant, deunyddiau ar gyfer cyfarfodydd, trefniadau preswyl, trafnidiaeth, gwasanaethau hygyrchedd, mentoriaeth, a chymorth lles i sicrhau eu bod yn ffynnu yn eu rolau.
I gael gwybodaeth fanwl am yr hyn sydd wedi'i gynnwys, edrychwch ar ein canllaw "Dod yn sefydliad partner".
Gall unrhyw sefydliad, o unrhyw faint o unrhyw ran o Gymru sy’n gweithio gyda phobl ifanc sy’n wynebu rhwystrau rhag cymryd rhan wneud cais i ddod yn sefydliad partner Senedd Ieuenctid Cymru.
Edrychwch ar ein canllaw "Dod yn sefydliad partner" i gael rhagor o wybodaeth am y meini prawf.
